Månadens bedrift er OCEAN Recruitment & Competence AS

LOKALT KURSTILBOD OG REKRUTTERINGSTENESTE

Aslak Bakke og Sigurd Vabø starta i september 2017 opp bedrifta Ocean Recruitment & Competence på Mongstad. Bedrift tilbyr kurs og - rekrutteringstenester for offentlege og private bedrifter i Nordhordland og Gulen.  Bakgrunn og målsetting er å tilby dokumentert og sertifisert opplæring, samt drive rekruttering av personell lokalt. Etter mange år i  industribransjen såg Aslak eit behov for eit lokalt kurstilbod i Nordhordland og rundt Fensfjordbassenget.
 
 «Det er viktig å ha kurstilboda lokalt, slik at bedriftene ikkje treng å bruke tid, pengar og ressursar for å sende dei tilsette på kurs i mange dagar langt vekke frå arbeidsplassen. Det vert fleire og fleire krav til dokumentert sertifiseringar og oppdatert  kompetanse i denne bransjen, og ein er avhengig av gode kurs som kan oppdatere tilsette og leirar når dei måtte ha behov for dette. Eit viktig mål for oss er også å bidra til arbeidsplassar, og få heve kompetanse til tilsette i dei regionale bedriftene via lokale kursinstruktørar».

Selskapet har per i dag åtte fulltids tilsette og fleire deltids tilsette som kan stille ute hjå kunden for korte eller lengre oppdrag ved behov, dei tilsette er frå både Hordaland og frå Sogn og Fjordane. Dei tilsette har god kompetanse innan sine fagområdet, samstundes som at selskapet kontinuerleg legg til rette for vidareutvikling av deira kompetanse. Vårt mål er å tilrettelegging, skaffe eller etablere fleste mogelege berekraftige arbeidsplassar i regionen for folk som har buset seg lokalt, enten som tilsett hjå våre kundar eller hjå OCEAN.​

FYRSTE DRIFTSÅR – OG VEKST!

Dagleg leiar: Aslak Bakke

«Vi har jobba veldig hardt det fyrste året med å etablere eit godt kundegrunnlag rundt Fensfjordbassenget, og vi har i dag god dialog med fleire bedrifter som vil nytte seg av det lokale kurstilbodet. Eg er privilegerte å kunne sei at vi oppnådde god vekst allereie det fyrste driftsåret. Vi har hatt god omsetning, og vi har kunne tilsette totalt åtte heiltid tilsette, samt fleire deltidstilsette i selskapet ».
 
Det er viktig å påpeike at det ikkje er alle bedrifter som får til den veksten som Ocean Recruitment & Competence har hatt dette fyrste driftsåret, og selskapet har ikkje berre bidrege til eit lokalt kurstilbod, men det har også bidrege til å skape arbeidsplassar for denne regionen.
 
«Det er ingenting som kjem av seg sjølv, ein må jobbe på og vere postiv – og bygge stein for stein», seier Aslak. 

NETTVERK ER VIKTIG!

«For å komme dit vi er i dag, har nettverk vore relevant! Eg har god kjennskap til kva som rører seg rundt Fensfjordbassenget, og kva aktørar som finst her. Nettverk og gode relasjonar er heilt relevant i ein oppstartsfase, men også i det vidare arbeidet til å utvikle Ocean Recruitment & Competance. For å vidareutvikle bedrifta ytlegare må vi bli kjent med fleire områder både i Nordhordland, men også Nordover i Sogn. Det å bli målbedrift i Næringshagen, har også gitt oss fleire nye moglegheiter i form av nettverk, og nye relasjonar. Det er viktig å sette av tid til dette arbeidet, det kan skape moglegheiter som ein ikkje hadde forutsett».
​

FÅTT MIDLAR FRÅ NÆRINGSFONDET I AUSTREHEIM OG ETABLERARFONDET FOR BERGENSREGIONEN 

I 2018 søkte Ocean Recruitment & Competence næringsfondet i Austrheim kommune, samt Etablerarfondet for Bergensregionen. Dei fekk midlar frå begge fonda, og fekk samla 80 000,- til utvikling av tenestetilbodet, då med hovudfokus på marknadsføring og forretningsutvikling. Desse midla kjem godt med fortel Aslak; «Det er flott at det finns slike fond som vi kan søke på, det er ikkje lukrativt å starte for seg sjølv, og vi treng all hjelp vi kan få på vegen. Det at eg har fått innvilga søknadane viser også at både Austrheim kommune og Etablerfondet for Bergensregionen har tru på bedrifta og det som vi har utvikla. Eg er takknemleg for dette, og set pris på støtta frå begge fonda. Det å skrive søknadane og det å finne moglege midlar til oppstartsfasen kan vere vanskeleg å finne ut av på eiga hand, eg har dermed nytta med av søknadspakken til Næringshagane for utvikling og vekst – som har hjelpt meg til å skrive desse og kva eg bør legge vekt på i utviklinga av mi verksemd.

PLANAR FRAMOVER

Ocean Recruitment & Competence er i stadig utvikling. Og dei jobbar med å utvikle tenestetilbodet sitt, og då med å kunne tilby fleire type kurs – samt at dei må utvikle rekrutteringstenesta si. Dei må få fram at dette er ein teneste som dei kan tilby bedrifter, kor dei driv målretta og spissa rekruttering for bedriftene. I tida framover vil det då verte hovudfokus på marknadsføring og meir kundekontakt med moglege nye kundar.  Vidare skal dei registrere selskapet i EPIM, dette er ei sertifisering og godkjenning for leverandørar til operatørar på norsk sokkel i offshoreservice bedrifter, Ocean Recruitment & Competence selskapet skal prioritere å tilby smarte kostnadseffektive mekaniske løysingar for desse bedriftene.
 
Grunna auke i etterspurnaden på deira tenester er Ocean Recruitment & Competence på utkikk etter personell som ynskjer nye utfordringar innan industri/on/offshore med logistikk fagbrev og/eller erfaring, operatørar innan mekanisk, preservering av utstyr og renovasjon, CNC maskin operatørar, men også personell som ynskjer å arbeide i havbruksnæringen har vi stor interesse av å knytte til oss. Denne stillinga vil om litt bli lansert på FINN.
 
Vi i Næringshagane for utvikling og vekst vil ynskje dykk lykke til med vidare arbeid, og vi er stolte av å ha dykk som målbedrift!